Aaj Hai Kuchh Sabab Aaj Ki Shab Na Ja

aaj hai kuchh sabab aaj kī shab na jā

jaan hai zer-e-lab aaj kī shab na jā

kyā patā phir tire vasl kī sā.ateñ

huuñ kahāñ kaise kab aaj kī shab na jā

chāñd kyā phuul kyā sham.a kyā rañg kyā

haiñ pareshān sab aaj kī shab na jā

vaqt ko kaise tartīb dete haiñ log

aa sikhā de ye ab aaj kī shab na jā

vo sahar bhī tujhī se sahar thī ‘asad’

shab bhī tum se hai shab aaj kī shab na jā

Leave a Comment