abrar-ahmad

Dawam-e-Wasl Ka Khwab

pakki gandum ke khoshon men

umaDte din ke Deron men

andhere ki ghani shakhon

parindon ke baseron men

thake badal se girte naam ke andar

utarti shaam ke andar

davam-e-vasl ka ik khvab hai

jo saans leta hai

mahakti sar-zaminon men

makanon men makinon men

tire mere ilaqon men

hamare ahd-namon men

larazte badbanon men

kahin duuri ke giton men

kahin qurbat ki tanon men

azal se ta-abad phaili hui

is chadar-e-aflak ke andar

rida-e-khak ke andar

hamari niind ki galiyon men

apni dhun bajata hai

makan-e-afiyat ke band darvaze girata hai

More Poems

Leave a Comment