vo ghazal valon ka uslub samajhte honge
chand kahte hain kise ḳhuub samajhte honge
itni milti hai miri ghazlon se surat teri
log tujh ko mira mahbub samajhte honge
main samajhta tha mohabbat ki zaban ḳhushbu hai
phuul se log use ḳhuub samajhte honge
dekh kar phuul ke auraq pe shabnam kuchh log
tira ashkon bhara maktub samajhte honge
bhuul kar apna zamana ye zamane vaale
aaj ke pyaar ko ma.ayub samajhte honge
Leave a Reply