ai nasim-e-sahari ham to hava hote hain
dam jo ghutta hai mohabbat men khafa hote hain
ham faqirana ghazal kahte hain ai shah-e-jahan
khair ho khair ho masruf-e-dua hote hain
bahr-e-alam men ye insan hain manind-e-habab
dam men bante hain ye dam-bhar men fana hote hain
ham gharibon ko na is bazm se uthva ai but
sohbat-e-am men khasan-e-khuda hote hain
ham men aur un men badha rabta ‘akhtar’ itna
ham pe vo sadqe hain ham un pe fida hote hain