Sufi
gham-e-hayat gham-e-dil nishat-e-jan guzra
tumhare saath har ik lamha shadman guzra
tadap ke dard se fariyad ko jo lab khole
sitam shiar zamane pe ye garan guzra
badal de rukh jo miri zindagi ke dharon ka
vo hadisa mire dil par abhi kahan guzra
javab-e-tur-o-tajalli kahenge ahl-e-nazar
jo dil ki raah se vo husn-e-mehrban guzra
basa ke dil men tire gham tire sitam ai dost
jahan jahan se bhi guzra main naghma-khvan guzra
Leave a Reply