Kaashif Shakiil
ishq ka marhala mere liye dushvar nahin
mere qisse men shahanshah ka kirdar nahin
sang barsega na logon ki malamat hogi
meri duniya men koi najd ka bazar nahin
koi farhad nahin main jo karun koh-kani
mere anjam men teshe ka bhi kirdar nahin
romeo jaisa marun zahar-e-mohabbat kha kar
juliet si koi laḌki mujhe darkar nahin
hiir ke vaste jogi main banun na-mumkin
ranjhe ki tarah bichhaḌne ko main tayyar nahin
main vo yusuf nahin jo paki-e-daman dekhe
daur-e-hazir men zuleḳha ki bhi sarkar nahin
main na.e daur ka ashiq huun mira mauqif hai
ishq sansar men hai ishq hi sansar nahin
ghanTon baten main karun haa.e hello likhta rahun
garche sha.ir huun miri jaan main be-kar nahin
aaj milna hai kaha piir ko us ne ‘kashif’
main ne reply kiya jaan ye itvar nahin
Leave a Reply