safar karo to ik aalam dikha.i deta hai
qad apna pahle se kuchh kam dikha.i deta hai
main ḳhushk shaḳh-e-ḳhazan pe yunhi nahin baiTha
yahan se abr ka parcham dikha.i deta hai
magar tana hua rahta hai kam-nasibon se
ye asman jo tumhen ḳham dikha.i deta hai
har ek haath men patthar kahan se a.enge
tamam shahr to barham dikha.i deta hai
ḳhud apne zaḳhm pe itna hazin na ho ki ‘suhail’
saf-e-adu men bhi matam dikha.i deta hai
Leave a Reply