Fuzail Jafri
ḳhud lafz pas-e-lafz kabhi dekh sake bhi
kaghaz ki ye divar kisi tarah gire bhi
kis dard se raushan hai siyah-ḳhana-e-hasti
suraj nazar aata hai hamen raat ga.e bhi
vo ham ki ghurur-e-saf-e-ada-shikni the
aḳhir sar-e-bazar hue ḳhvar bike bhi
bahti hain rag o pai men do-abe ki hava.en
ik aur samundar hai samundar se pare bhi
aḳhlaq o sharafat ka andhera hai vo ghar men
jalte nahin ma.asum gunahon ke diye bhi
Leave a Reply