thi haqiqat ki vo tha ḳhvab use jaane do
chand nikle the muqabil mire sirhane do
aql aur dil hue yakja ye tamasha tha ajab
ek maqsad tha nazar aa.e the begane do
ek par us ka tha sar dusre par ghair ka tha
ye to achchha hua the paas mire shane do
pasban haT ga.e qismat ne mera saath diya
us ne jab kah diya us ko mire paas aane do
shauq ka daav har ik Thiik paḌa dil ki suni
dil ne samjhaya vo sharmata hai sharmane do
tum ho mahrum to tum sabr hi pa jaao ‘suhail’
jis ne paa.i hai mohabbat use tum paane do
Leave a Reply