Thi Haqiqat Ki Wo Tha KHwab Use Jaane Do

thī haqīqat ki vo thā ḳhvāb use jaane do

chāñd nikle the muqābil mire sirhāne do

aql aur dil hue yakjā ye tamāshā thā ajab

ek maqsad thā nazar aa.e the begāne do

ek par us kā thā sar dūsre par ġhair kā thā

ye to achchhā huā the paas mire shāne do

pāsbāñ haT ga.e qismat ne merā saath diyā

us ne jab kah diyā us ko mire paas aane do

shauq kā daav har ik Thiik paḌā dil kī sunī

dil ne samjhāyā vo sharmātā hai sharmāne do

tum ho mahrūm to tum sabr hī pā jaao ‘suhail’

jis ne paa.ī hai mohabbat use tum paane do

Leave a Comment