Ba-Khuda Hain Teri Hindu Bu-E-Mai-Khwar Aankhen

ba-khuda hain tiri hindu bu-e-mai-khvar ankhen

nashshe ki Dori nahin pahne hain zunnar ankhen

chashm-e-ahu se gharaz thi na mujhe nargis se

teri ankhon se jo miltin na ye do-char ankhen

char-chashm is liye kahta hai mujhe ik aalam

ki miri ankhon men phirti hain tiri yaar ankhen

dekhte rahte hain ham raah tumhari sahab

aap aate nahin aa jaati hain har baar ankhen

pyaar se main ne jo dekha to vo farmate hain

dekhiye dekhiye hoti hain gunahgar ankhen

chuum lete hain vo aine men ankhen apni

lab masihai karenge ki hain bimar ankhen

agara chhut gaya ‘mehr’ to chunnar men bhi

DhunDa karti hain vahi kucha-o-bazar ankhen

Leave a Comment