Nadeem Bhabha
ajiib huun ki mohabbat shanas ho kar bhi
udaas lagta nahin huun udaas ho kar bhi
ḳhuda ki tarah koi aadmi bhi hai shayad
nazar jo aata nahin as-pas ho kar bhi
numu ki raushni le kar uga huun sahra men
main sabz ho nahin sakta huun ghaas ho kar bhi
vajud vahm bana miT gaya magar phir bhi
tumhare paas nahin huun qayas ho kar bhi
ye aadmi pe hukumat tumhen mubarak ho
faqir kaise chhupe ḳhush-libas ho kar bhi
Leave a Reply