thi alag raah magar tark mohabbat nahin ki
us ne bhi socha bahut ham ne bhi ujlat nahin ki
tu ne jo dard ki daulat hamen di thi us men
kuchh izafa hi kiya ham ne ḳhayanat nahin ki
zaviya kya hai jo karta hai tujhe sab se alag
kyuun tire ba.ad kisi aur ki hasrat nahin ki
aa.e aur aa ke chale bhi ga.e kya kya mausam
tum ne darvaza hi va karne ki himmat nahin ki
apne atvar men kitna baḌa shatir hoga
zindagi tujh se kabhi jis ne shikayat nahin ki
ek ik saans ka apne se liya saḳht hisab
ham bhi kya the kabhi ḳhud se bhi muravvat nahin ki
Leave a Reply