abdul-hamid-adam

Aaj Phir Ruh Mein Ek Barq Si Lahraati Hai

aaj phir ruuh men ik barq si lahrati hai

dil ki gahrai se rone ki sada aati hai

yuun chatakti hain kharabat men jaise kaliyan

tishnagi saghar-e-labrez se takrati hai

shola-e-gham ki lapak aur mira nazuk sa mizaj

mujh ko fitrat ke ravayye pe hansi aati hai

maut ik amr-e-musallam hai to phir ai saaqi

ruuh kyuun ziist ke alam se ghabrati hai

so bhi ja ai dil-e-majruh bahut raat gai

ab to rah rah ke sitaron ko bhi niind aati hai

aur to dil ko nahin hai koi taklif ‘adam’

haan zara nabz kisi vaqt thahar jaati hai

More Poems

Leave a Comment