Poet
thi asman pe meri chadhai tamam raat
phenka kiya huun tir-e-havai tamam raat
vo mai-parast huun ki na paai agar sharab
ki khun-e-dil se kar-ravai tamam raat
ham-khana-e-adu hai mubarak rahe use
jhagda tamam rose ladai tamam raat
kya khush raha main dost ki tasvir jaan kar
thi kal jo mah ki jalva-numai tamam raat
bikhri rahi hai shab mire baazu pe zulf-e-yar
karta raha huun ghaliya-sai tamam raat
badhta raha badan men mire dam-ba-dam lahu
siine pe tha vo dast-e-hinai tamam raat
tha mere hausle se ziyada gham-e-firaq
ik dastan us ko sunai tamam raat
sharm-e-sitam ne vasl men kaisa sitam kiya
shakl us ne kal mujhe na dikhai tamam raat
sachche hain apne vaade ke aate vo khvab men
‘nazim’ mujhi ko niind na aai tamam raat
Leave a Reply