Hadi Machlishahri
dekh kar sham.a ke aghosh men parvane ko
dil ne bhi chheḌ diya shauq ke afsane ko
zarre zarre se gulistan men barasti hai bahar
kaun aise men sambhale tire divane ko
tuur ne jis se hayat-e-abadi paa.i hai
laao dohra.un main phir se isi afsane ko
dil-e-sarshar mira chashm-e-siyah-mast tiri
jazba Takra de na paimane se paimane ko
sub.h ko dekh le is sham.a ka anjam koi
jis ne phunka shab-e-ummid men parvane ko
Leave a Reply