tha bhulana jinhen phir bhi vahi gham yaad aa.e
ham mile bhi to zamane ke sitam yaad aa.e
kar-e-duniya men na shabnam hai na ambar na gulab
dahr dekha to tiri zulf ke ḳham yaad aa.e
yaad kar ke tumhen rone ka zamana bhi gaya
aaj roya huun to samjha huun ki tum yaad aa.e
bhar ke jhilon ko chala jaata hai savan jaise
is tarah yaad hai vo shaḳhs jo kam yaad aa.e
ye to sach hai tha mire lab ke qarin aur gulab
ye bhi sach hai mujhe us vaqt bhi tum yaad aa.e
Leave a Reply