teri zulfen tire ruḳhsar tire lab mere
jitne pahlu hain tire husn ke vo sab mere
us se ab tark-e-mohabbat ka gila kya ma.ani
mujh ko taslim ki atvar the beDhab mere
phir vahi chand sar-e-shahr chaḌhe to ai kaash
us se raushan hon dar-o-bam bas ik shab mere
jin ka har lamha guzarta tha miri qurbat men
duur o nazdik nazar aate nahin ab mere
mujh se katra ke guzar jaate hain derina rafiq
raste dekhte hain saḳht kaThin jab mere
ab agar khul hi ga.e ho to chalo yunhi hi sahi
varna tum dost to pahle bhi rahe kab mere
kyuun mujhe shiddat-e-ehsas ata ki itni
tujh se insaf ka talib huun main ai rab mere
ḳhalq ki sang-zani ka hai ye ‘kausar’ ehsan
tah men jis ke ga.e sab husn o qubah dab mere
Leave a Reply