Sultan Rashk
rang laa.i hai miri zaat se ghaflat meri
mere andar mutazalzal hai hukumat meri
bechta phirta huun ḳhud ko sar-e-bazar-e-hayat
mujh ko rusva kiye rakhti hai zarurat meri
Dubta jaata hai har shaḳhs sar-e-sahil-e-shab
baḌhti jaati hai magar shab se aqidat meri
ate-jate hain mah-o-mehr bashar ki zad men
aur main ḳhush ki daraḳhshan hai rivayat meri
vaqt vo hai ki har ik qadr ka mafhum naya
aur be-gana-e-halat tabi.at meri
apne chehre pe saja.e bhi nahin zaḳhm magar
dil ka a.ina hui jaati hai surat meri
Leave a Reply