Teri Yaaden Halak Kar Dengi

terī yādeñ halāk kar deñgī

qissa-e-zīst paak kar deñgī

ḳhvāhisheñ ḳhanjaroñ kī haiñ mānind

ye mire dil ko chaak kar deñgī

shohratoñ par ġhurūr mat karnā

ye tujhe misl-e-ḳhāk kar deñgī

ye hamāre lahū kī chhīTeñ haiñ

tere dāman ko paak kar deñgī

ġham kī tārīkiyāñ bhī mumkin hai

zindagī tābnāk kar deñgī

‘shākir’ aa jaao ab mirī sāñseñ

jism se infikāk kar deñgī

Leave a Comment