Poet
teri yaden halak kar dengi
qissa-e-zist paak kar dengi
ḳhvahishen ḳhanjaron ki hain manind
ye mire dil ko chaak kar dengi
shohraton par ghurur mat karna
ye tujhe misl-e-ḳhak kar dengi
ye hamare lahu ki chhiTen hain
tere daman ko paak kar dengi
gham ki tarikiyan bhi mumkin hai
zindagi tabnak kar dengi
‘shakir’ aa jaao ab miri sansen
jism se infikak kar dengi
Leave a Reply