diya jo saaqi ne saghar-e-mai dikha ke aan ik hamen labalab
agarche mai-kash to ham nae the pa lab pe rakhte hi pi gae sab
chalte hain dene ko ham jise dil vo hans ke le le bas ab hamen to
yahi hai khvahish yahi tamanna yahi hai maqsad yahi hai matlab
kabhi jo aate hain dekhne ham to aap tevri ko hain chadhate
jo har-dam aaven to kiije khafgi miyan ham aate hain aise kab kab
na pi thi ham ne ye mai to jab tak ‘nazir’ ham men tha din-o-iman
laga labon se vo jaam phir to kahan ka diin aur kahan ka mazhab
Leave a Reply