Kitni Dafa Na Jaane Di Dastak

kitnī daf.a na jaane dī dastak

āḳhirī baar tīsrī dastak

pTriyoñ meñ phañsā huā paañv

aur gaaḌī kī aa paḌī dastak

tum ne chhupne hī kab diyā mujh ko

tum ne gintī nahīñ ginī das tak

sach meñ aane pe ho tum āmāda

dī ga.ī hai ki ho ga.ī dastak

gol kī gol hī rahī duniyā

phir vahī dar hai phir vahī dastak

tīnoñ dushman haiñ mere ḳhvāboñ ke

ye mire dost āgahī dastak

Leave a Comment