teri yaden bhi nahin gham bhi nahin tu bhi nahin
kitni viran hai ye aankh ki aansu bhi nahin
mere dil ko mire ehsas ko chhu jaati thi
bhige bhige tire balon ki vo ḳhushbu bhi nahin
haa.e vo pahle-pahal teri juda.i ki ghaḌi
ab to piine ki koi chaah koi ḳhu bhi nahin
jo gham-e-dahr ki rahon ko hasin-tar kar de
bahke bahke tire qadmon ka vo jaadu bhi nahin
ab gunahgar nazar ki hai kahan ja-e-panah
raah men duur talak koi pari-ru bhi nahin
Leave a Reply