tiri nazar bhi nahin harf-e-mudda.a bhi nahin
ḳhuda-gavah mire paas kuchh raha bhi nahin
hazar manzil-e-gham se guzar chuke lekin
abhi junun-e-mohabbat ki ibtida bhi nahin
gham-e-firaq ye shab kis tarah se guzregi
ki ab to aas ki mauhum si ziya bhi nahin
na jaane kis liye ab bhi hai dil se baḌh ke aziiz
siyah-dil bhi nahin aur parsa bhi nahin
jo sach kahun to mohabbat-shi.ar ‘ajmal’ men
hazar aib sahi aadmi bura bhi nahin
Leave a Reply