tiri talḳhi ko chakhun ya tire husn-e-ma.ani ko
kitab-e-zindagi kis ne likha meri kahani ko
to sar-ta-pa koi fitna bhi hai shahkar-e-fitrat bhi
magar main zindagi ke naam kar aaya javani ko
ye kirnen phuTti hain jo tire chak-e-gareban se
unhi ke nuur se likkha gaya meri kahani ko
ye kab jaana kisi ne ai mujassam raaz tu kya hai
ki fitrat ne koi marmar tarasha gul-fishani ko
kahin zaḳhmi sada.en hain kahin naghme mohabbat ke
tu kis ki samt moḌa jaa.e ab ke zindagani ko
Leave a Reply