tiri talash men jo khud ko bhuul aae the
pata vo apna kabhi dhundne na paae the
kise khabar thi ki phulon men bhi hunar hai vahi
kis ehtiyat se kanton se bach ke aae the
vo be-hisi ka tha aalam zara khabar na hui
ki raushni thi sar-e-rahguzar ki saae the
kinare duur bahut duur the tu majburan
samundaron men hi logon ne ghar basae the
har ek buund kai bijliyon ki hamil thi
shadid barkha ne basti ke ghar jalae the
ye kaise bojh chale aae phir se palkon par
ki ik zamane par ham aaj muskurae the