Syed Zamin Abbas Kazmi
tiri talash ki miThi kasak se lutf liya
yaqin toḌne vaale ne shak se lutf liya
so maand paḌte hue husn ko kiya taslim
ki aftab ki dhundli chamak se lutf liya
tire nafas ki hararat hui nazar-andaz
tire libas ki bhini mahak se lutf liya
tamam umr tire dar pe hi paḌe rahe hain
tamam umr tire hi namak se lutf liya
vo intizar tha us ka ki dekhte hi use
zara qarib kiya puure haq se lutf liya
Leave a Reply