Kab Mausam-E-Bahaar Pukara Nahin Kiya

kab mausam-e-bahar pukara nahin kiya

ham ne tire baghair gavara nahin kiya

duniya to ham se haath milane ko aai thi

ham ne hi eatibar dobara nahin kiya

mil jaae khaak men na kahin is khayal se

ankhon ne koi ishq sitara nahin kiya

ik umr ke azaab ka hasil vahin bahisht

do chaar din jahan pe guzara nahin kiya

ai asman kis liye is darja barhami

ham ne to tiri samt ishara nahin kiya

ab hans ke tere naaz uthaen to kis liye

tu ne bhi to lihaz hamara nahin kiya

Leave a Comment