Mannan Bijnori
husn hai maghrur dil sauda.i hai
ishq aur nafrat men hatha-pa.i hai
dhaḌkanon men kar diya paida fasad
har ada men teri ik balva.i hai
ham ne ḳhud dekhi hai dast-e-ghair men
teri to tasvir bhi harja.i hai
vajd ankhon men hai baasi niind ka
vasl ki jab se karam-farma.i hai
tum ko dekhe bin guzarna chheḌ tha
dil pe mat lo dagh-e-dil dukh-da.i hai
dil-lagi hai ibtida-e-dilbari
chahaton men chheḌ-chhaḌ achchha.i hai
kitni sharmili hai ‘mannan’ us ki yaad
dard ke parde men chhap kar aa.i hai
Leave a Reply