dil mohabbat makan hai goya
aarzu ka jahan hai goya
khaak men mil chuke ham aur is ko
aaj tak bhi guman hai goya
mere azar dene ko vo shokh
dusra asman hai goya
khol de munh khumon ke pir-e-mughan
aaj hi imtihan hai goya
paanv aage na uth sake vaan se
us gali ka nishan hai goya
teri tasvir kyuun na bol uthe
is men ashiq ki jaan hai goya
tera chup chup ye baithna ‘salik’
ik tarah ka bayan hai goya
Leave a Reply