Ameen Rahat Chugtai
mire badan se kabhi aanch is tarah aa.e
lipaT ke mujh se mire saath vo bhi jal jaa.e
main aag huun to mire paas koi kyuun baiThe
main raakh huun to koi kyuun kuredne aa.e
bhare dayar men ab is ko kis tarah DhunDen
hava chale to kahin bu-ham-nafas aa.e
ye raat aur rivayat ki ye zanjiren
gali ke moḌ se do lauTte hue saa.e
vahi badan vahi chehra vahi libas magar
koi kahan se ‘basavan’ ka mu-qalam laa.e
koi to baat hui hai ajiib si ‘rahat’
ki aa.ina bhi na vo chhoḌe aur sharma.e
Leave a Reply