asmanon se utar kar miri dharti pe biraj
men tujhe dunga panapte hue giton ka ḳhiraj
dil ke sahra pe baras chait ke badal ki tarah
ḳhushk Tiile ko bhi de phulti sarson ka mizaj
nabz-e-halat men ab reng ke chalta hai lahu
kaash rakh le tu utarte hue dariya ki laaj
chand ban kar zara insan ke mathe pe ubhar
tere jalvon ko tarasta hai ye tarik samaj
bujhte jaate hain sitaron ke fana-rang kanval
aa sar-e-vaqt pe rakh jhuum ke ḳhurshid ka taaj
Leave a Reply