Saulat Zaidi
haa.el hain ashk raah men kaise nazar mile
barish agar thame to musafir ko ghar mile
aa.e charagh shaam laga luun gale tujhe
donon ko ye umiid nahin hai sahar mile
daur-e-jadid men jo baḌhi faslon ki baat
ji chahta nahin ki nazar se nazar mile
ab to junun ke haath se patthar nikal ga.e
ab ham bhi chahte hain ki shishe ka ghar mile
‘saulat’ vo kya maqam tha saa.at thi kaun si
Thahre hue jahan tumhen sham-o-sahar mile
Leave a Reply