husn ko be-naqab hone do
ishq ko kamyab hone do
ziist gharq-e-sharab hone do
har haqiqat ko ḳhvab hone do
tur-o-musa se mavara hain ham
raaz ka sadd-e-bab hone do
dekhna hai abhi hayat ko jashn
ik naya inqalab hone do
main bala-nosh-o-bada-ḳhvar sahi
meri hasti ḳharab hone do
aaj ki shab to un ki mahfil men
ishq ko baryab hone do
multafit koi ho raha hai ‘nazar’
lutf aur be-hisab hone do
Leave a Reply