Jab Arsh Pe Dam toDne Lagti Hain Duaen

jab arsh pe dam toḌne lagtī haiñ duā.eñ

detā hai rag-e-jāñ se mujhe koī sadā.eñ

phir sarmad-o-mansūr kā aatā hai zamāna

ab ahl-e-chaman gul kī jagah daar ugā.eñ

us tishna kī barsāt meñ kyā pyaas bujhegī

kashmīr ke barfāb jise aag lagā.eñ

yuuñ apnī duā sun ke chahak uTThe farishte

jis tarah suḳhan-fahm koī misra.a uThā.eñ

allāh-re vo sarshār gunahgār jo apnī

be-sāḳhta laġhzish pe ḳhudā ko bhī rijhā.eñ

Leave a Comment