tiri nigah se ise bhi guman hua ki main huun
vagarna dil to mira manta na tha ki main huun
ajiib lamha vo didar-e-husn-e-yar ka tha
us ek pal ki tajalli men ye khula ki main huun
na jaane be-ḳhabari ke vo kis maqam pe tha
nazar uThata to har gul pukarta ki main huun
tire jamal ki kuchh raushni si paḌti hai
bata raha hai mujhe rang-e-a.ina ki main huun
jise bhula ke ye dil mutma.in tha muddat se
kal us ke zikr pe ik ahd bol uTha ki main huun
par-e-zamana to parvaz-e-nur se bhi hai tez
kahan hai kaun tha jis ne abhi kaha ki main huun
kahan pe sarhad-e-na-bud-o-bud milti hai
subut ho ki na ho e’tibar kya ki main huun
hayat ḳhud hai dahan-e-nahang-e-la-ya.ani
jo hai adam ka musafir hai main chala ki main huun
na raftagan hain na ab yad-e-raftagan baaqi
main kya huun juz ram-e-yak-mauja-e-fana ki main huun
mujh aise zarron ka hona na hona ek sa hai
bagule in se uThe to pata chala ki main huun
khula paḌa hai sar-e-rah be-his-o-harakat
jo haath kal tak uTha chiḳhta raha ki main huun
abhi tariq-e-tahammul nahin mizajon men
abhi faqihon men hangama hai bapa ki main huun
kahin kahin abhi tauqir-e-lafz baaqi hai
suḳhan suna.i diya harf-e-dard ka ki main huun
ajiib alam-e-hu tha ‘ziya’ jab aḳhir-e-shab
kisi ko dil ne ye kahte hue suna ki main huuntiri nigah se ise bhi guman hua ki main huun
vagarna dil to mira manta na tha ki main huun
ajiib lamha vo didar-e-husn-e-yar ka tha
us ek pal ki tajalli men ye khula ki main huun
na jaane be-ḳhabari ke vo kis maqam pe tha
nazar uThata to har gul pukarta ki main huun
tire jamal ki kuchh raushni si paḌti hai
bata raha hai mujhe rang-e-a.ina ki main huun
jise bhula ke ye dil mutma.in tha muddat se
kal us ke zikr pe ik ahd bol uTha ki main huun
par-e-zamana to parvaz-e-nur se bhi hai tez
kahan hai kaun tha jis ne abhi kaha ki main huun
kahan pe sarhad-e-na-bud-o-bud milti hai
subut ho ki na ho e’tibar kya ki main huun
hayat ḳhud hai dahan-e-nahang-e-la-ya.ani
jo hai adam ka musafir hai main chala ki main huun
na raftagan hain na ab yad-e-raftagan baaqi
main kya huun juz ram-e-yak-mauja-e-fana ki main huun
mujh aise zarron ka hona na hona ek sa hai
bagule in se uThe to pata chala ki main huun
khula paḌa hai sar-e-rah be-his-o-harakat
jo haath kal tak uTha chiḳhta raha ki main huun
abhi tariq-e-tahammul nahin mizajon men
abhi faqihon men hangama hai bapa ki main huun
kahin kahin abhi tauqir-e-lafz baaqi hai
suḳhan suna.i diya harf-e-dard ka ki main huun
ajiib alam-e-hu tha ‘ziya’ jab aḳhir-e-shab
kisi ko dil ne ye kahte hue suna ki main huun
Leave a Reply