hamare gham ka charcha ho raha hai
ajab jashn-e-tamanna ho raha hai
main bahar se uchak kar dekhta huun
mire andar tamasha ho raha hai
na.e ki fikr men ham ghul rahe hain
naya har pal purana ho raha hai
badan men chubh rahi hai tez barish
nadi ka zaḳhm gahra ho raha hai
tumhari yaad dhundli paḌ rahi hai
to kya qismat ka likkha ho raha hai
khuda.i chal rahi hai dil-zamin par
purana shahr zinda ho raha hai
Leave a Reply