kis qadar kam-asas hain kuchh log
sirf apna qayas hain kuchh log
jin ko divar-o-dar bhi dhak na sake
is qadar be-libas hain kuchh log
mutmain hain bahut hi duniya se
phir bhi kitne udaas hain kuchh log
vo bure hon bhale hon jaise hon
kuchh hon logon ko raas hain kuchh log
mausamon ka koi asar hi nahin
in pe jangal ki ghaas hain kuchh log
tirgi men nazar nahin aate
saae ki tarah paas hain kuchh log