ankhon men chubh ga.iin tiri yadon ki kirchiyan
kandhon pe gham ki shaal hai aur chand raat hai
dil toḌ ke ḳhamosh nazaron ka kya mila
shabnam ka ye saval hai aur chand raat hai
campus ki nahr par hai tira haath haath men
mausam bhi la-zaval hai aur chand raat hai
har ik kali ne oḌh liya matami libas
har phuul pur-malal hai aur chand raat hai
chhalka sa paḌ raha hai ‘vasi’ vahshaton ka rang
har chiiz pe zaval hai aur chand raat hai
Leave a Reply