Ab Ke Bhi Sair Bagh Ki Ji Mein Hawas Rahi

ab ke bhi sair baagh ki ji men havas rahi

apni jagah bahar men kunj-e-qafas rahi

main pa-shikasta ja na saka qafile talak

aati agarche der sada-e-jaras rahi

lutf qaba-e-tang pe gul ka baja hai naaz

dekhi nahin hai un ne tiri choli chus rahi

din-rat meri ankhon se aansu chale gae

barsat ab ke shahr men saare baras rahi

khali shaguftagi se jarahat nahin koi

har zakhm yaan hai jaise kali ho box rahi

divangi kahan ki gareban se tang huun

gardan miri hai tauq men goya ki phans rahi

jon subh is chaman men na ham khul ke hans sake

fursat rahi jo ‘mir’ bhi so yak-nafas rahi

Leave a Comment