Shayar Jamali
badalon men bijliyan kaundin ujala ho gaya
kam-nazar kahne lage uTho savera ho gaya
Dhalte suraj ki shuaon ka karishma tha ki main
dasht men ḳhud apne saa.e se bhi chhoTa ho gaya
puchhna chaho to puchho us se tanha.i ka gham
bhiiḌ men rahte hue jo shaḳhs tanha ho gaya
haa.e vo sadiyan jo lamhon men simaT kar rah ga.iin
haa.e vo lamha ki jo sadiyon se lamba ho gaya
tirgi ki jhiil men utra larazta kanpta
sub.h-dam suraj ka chehra aur kaala ho gaya
aaj teri aankh men aansu kahan se aa ga.e
ai amir-e-shahr aḳhir ye tujhe ho gaya
Leave a Reply