hansi ki baat ki us ne vahan bula ke mujhe
bahut rulaya kahani miri suna ke mujhe
har ek lamha mira ḳhauf ki giraft men hai
muhafizon se bacha.ega kaun aa ke mujhe
kalam-e-fan se liya kaam us ne mujh se bhi
tabah apne adu ko kiya bacha ke mujhe
vo baagh baagh hua hai to be-sabab bhi nahin
mila hai kuchh to use ḳhaak men mila ke mujhe
tumhen ḳhabar hai ki sar par paḌegi raakh tire
uḌa diya hai faza men jo yuun jala ke mujhe
use banaya tha main ne baḌi hi mehnat se
ḳhuda gavah ki vo bhi chala bana ke mujhe
use kaho ki hain hazir mazid dukh de le
bahut sukun mila hai agar sata ke mujhe
Leave a Reply