Arif Ishtiaque
vo mere shahr men aaya hua hai
kaḌakti dhuup men saaya hua hai
tumhare pyaar men TuuTa hua dil
kisi ke husn pe aaya hua hai
dil-e-barbad ko tere sabab se
na.i ulfat men uljhaya hua hai
mohabbat ne mire se tund-ḳhu ko
sar-e-bazar khinchvaya hua hai
mujhe milne ko us ne tang kurta
ba-taur-e-ḳhas silvaya hua hai
nadamat saḳht hai par hai ḳhushi bhi
use ḳhalvat men bulvaya hua hai
Leave a Reply