ai miri jan-e-arzu mane-e-iltifat kya
hoga na vaqf-e-dil kabhi kaif-e-tabassumat kya
mast-e-nazar agar nahin saghar-e-dil men bada-rez
bazm-e-navazishat kya daur-e-tavajjohat kya
kab se hain rind muntazir chashm-e-karam pe hai nazar
shoḳh nigah ke liye vaj.h-e-takallufat kya
DhunDti phirti hai nazar shahid-e-bazm-e-naz ko
us ko magar ḳhabar nahin kaif-e-tasavvurat kya
husn-e-talab ye hai ki tu us se usi ko maang le
us ke siva hayat kya maqsad-e-ka.enat kya
apne hi dil ki bazm men us ka jamal dekhiye
dida-e-shauq ke liye aur harim-e-zat kya
shauq-o-talab se ‘taj’ ab alam-e-iztirab hai
ek zara se dil men ye shorish-e-ka.enat kya
Leave a Reply