Teri Madad Ka Yahan Tak Hisab Dena paDa

tiri madad ka yahan tak hisab dena paḌa

charagh le ke mujhe aftab dena paḌa

har ek haath men do do sifarshi ḳhat the

har ek shaḳhs ko koi ḳhitab dena paḌa

ta.alluqat men kuchh to darar paḌni thi

ka.i saval the jin ka javab dena paḌa

ab is saza se baḌi aur kya saza hogi

na.e sire se purana hisab dena paḌa

is intizam se kya koi mutma.in hota

kisi ka hissa kisi ko janab dena paḌa