Asif Jamal
ek sard jang hai ab mohabbaten kahan
TuTte hue tilism phailta hua dhuan
vo bhi apne husn se be-ḳhayal ho chala
aur ḳhvab ban ga.iin meri sar-giraniyan
qais ki mohabbaten kohkan ki chahatin
aur ye rivayaten bhulti kahaniyan
ham se pahle aur bhi kar ga.e vafa bahut
ḳhaak men mila chale ham bhi zindaganiyan
apne silsile se bhi kya ḳhayal aa.e hain
jaan ki qadr kuchh nahin dil-ba-dast dil-baran
Leave a Reply