ham to asan samajhte the ki rasta kam tha
is masafat men mohabbat ka ilaqa kam tha
yuun to divar ke pahlu men khaḌe the ham bhi
dhuup aisi thi ki divar ka saaya kam tha
kaisa lamha tha ki ham tark-e-safar kar baiThe
ḳhvab kam the na tire gham ka asasa kam tha
qamat-e-husn men saani hi nahin tha us ka
shar-e-be-faiz tira zauq-e-tamasha kam tha
ik ta.alluq tha jo TuuTa hai ki ham TuuTe hain
phir bhi lagta hai ki ham ne use chaha kam tha
Leave a Reply