kaun hai us ke bankpan ki tarah
husn hai husn-e-anjuman ki tarah
main ne maḳhmur us ko dekha hai
raat jaagi hui dulhan ki tarah
jaage jaage tire badan ke ḳhutut
khil-khilate hue chaman ki tarah
ik mire chand ke na hone se
chandni raat hai kafan ki tarah
ishq sha.ista-e-junun nikla
tere mathe ki ik shikan ki tarah
koi tariḳh-e-ishq dohra duun
zindagani hai kohkan ki tarah
koi ban-Than ke ghar se nikla hai
zindagi ke hasin chalan ki tarah
pairahan aur aise unvan se
rang-o-gulha-e-pairahan ki tarah
kaisi viraniyan men ‘daur’ yahan
zindagi hai ujaaḌ ban ki tarah
Leave a Reply