Teri Jaanib Se Dil Mein Waswase Hain

tirī jānib se dil meñ vasvase haiñ

ye kutte raat bhar bhoñkā kiye haiñ

libās-e-dard bhī ham ne utārā

ye kapḌe ab purāne ho chuke haiñ

utāreñ keñchulī ab talḳh jazbāt

ki vo apne meñ ghuT kar rah ga.e haiñ

na ho māyūs ḳhushk ā.ankhoñ se ai dil

ki sahrāoñ meñ bhī dariyā bahe haiñ

‘salīm’ achchhī ġhazal hai terī maanā

magar ye phuul ghūre par khile haiñ

Leave a Comment