Saleem Ahmed
tiri janib se dil men vasvase hain
ye kutte raat bhar bhonka kiye hain
libas-e-dard bhi ham ne utara
ye kapḌe ab purane ho chuke hain
utaren kenchuli ab talḳh jazbat
ki vo apne men ghuT kar rah ga.e hain
na ho mayus ḳhushk a.ankhon se ai dil
ki sahraon men bhi dariya bahe hain
‘salim’ achchhi ghazal hai teri maana
magar ye phuul ghure par khile hain
Leave a Reply