Khwaja Meer Dard
rabt hai naz-e-butan ko to miri jaan ke saath
ji hai vabasta mira un ki har ik aan ke saath
apne hathon ke bhi main zor ka divana huun
raat din kushti hi rahti hai gareban ke saath
jo jafa-ju hain unhen sang-dili lazim hai
kaam talvar ko rahta hai sada saan ke saath
gar masiha-nafasi hai yahi mutrib to khair
ji hi jaate hain chale teri har ik taan ke saath
‘dard’ har-chand main zahir men to huun mor-e-zaif
zor nisbat hai vale mujh ko ‘sulaiman’ ke saath
Leave a Reply